“Niva”nı "ikitəkər" qaldırıb “avtoşluq” edən sürücüylə bağlı AÇIQLAMA - VİDEO - YENİLƏNİB

DİN-in Mətbuat Xidmətinin Şəki regional qrupundan Avtosfer.az-a bildirilib ki, görüntülər araşdırılıb və 1 il əvvəl çəkildiyi məlum olub. Hazırda “Niva” markalı həmin nəqliyyat vasitəsi başqa şəxsin istifadəsindədir. Avtoxuliqanlıq edən sürücü isə müəyyən olunaraq profilaktik söhbətlər aparılacaq.

                                                                                                                         ***

Zaqatalada qaydaları kobud şəkildə pozan sürücünün videosu sosial şəbəkədə yayılıb.

Avtosfer.az-ın məlumatına görə, hadisə bir neçə gün əvvəl günorta saatlarında qeydə alınıb. Hərəkətdə olan 99-MM-375 dövlət nömrə nişanlı “Niva” markalı maşının sürücüsü yolda təhlükəli manevrlər edib. Belə ki, o, avtomobilin təkərlərini yer səthindən qaldırıb və asfalt örtüyünə sürtərək səs çıxarıb. Eyni zamanda sürücü nəqliyyat vasitəsini arxa dövlət nömrə nişanı olmadan idarə edib.

Qeyd edək ki, sürücünün törətdiyi qayda pozuntusu avtoxuliqanlıqlıq göstəricilərinə əsaslandığı üçün İnzibati Xətalar Məcəlləsinin 511.1-ci maddəsiylə nizamlanır.

Nərmin