Ödənişli hərbi xidmət məbləği dəyişdi – NAZİRLİKDƏN AÇIQLAMA

Türkiyədə ödənişli hərbi xidmət məbləği dəyişib.

Avtosfer.az xəbər verir ki, Türkiyə Milli Müdafiə Nazirliyi 2024-cü il üçün ödənişli hərbi xidmətin yeni məbləğini açıqlayıb. Nazirliyin rəsmi açıqlamasına əsasən iyulun 11-dən etibarən Türkiyədə ödənişli hərbi xidmət məbləği 217871,04 lirə, yəni 11422 manat 80 qəpik olaraq dəqiqləşib.

Türkiyə Milli Müdafiə Nazirliyinin açıqlamsında deyilir:

““Xəzinə və Maliyyə Nazirliyi” rəsmi saytında “Maliyyə və Sosial Hüquqlar” dövri qərarını dərc edib və bu qərara əsasən, ikinci altı ayda ödənişli hərbi xidmətin məbləği 217871,04 (iki yüz on yeddi min səkkiz yüz yetmiş bir lirə dörd kuruş) olub.”.

Nazirlik onu da vurğulayıb ki, 8 iyul 2024-cü il tarixindən etibarən ödənişli hərbi xidmət üçün müraciət prosesinin dəyərləndirilməsinə başlanıb.

Səfər Əlizadə