“Opel”lə “avtoş”luq edib “şou” göstərən yeniyetmə saxlanıldı - RƏSMİ - VİDEO

Avtomobili sürücülük vəsiqəsi olmadan idarə edən sürücü törətdiyi xətaları videoya çəkərək sosial şəbəkədə paylaşıb.

Avtosfer.az-ın məlumatına görə, görüntülər müxtəlif vaxtlarda Qax rayonu ərazisində qeydə alınıb. Hərəkətdə olan 10-UC-068 dövlət nömrə nişanlı “Opel” markalı avtomobilin sürücüsü sərt manevrlər edib. Belə ki, “sağ-sol” edib “şou” göstərən sürücü özüylə yananşı avtomobildəki sərnişinin həyatını da təhlükəyə atıb. Eyni zamanda o, yaşayış zonasında avtoxuliqanlıq edərək əhalinin dincliyini nümayişkəranə şəkildə pozub.

DİN-in Mətbuat Xidmətinin Şəki regional qrupundan Avtosfer.az-ın sorğusuna cavab olaraq bildirilib ki, həmin sürücü  müəyyən olunaraq polisə dəvət edilib və barəsində inzibati qaydada tədbir görülüb.

Nərmin