Öz rahatlığını düşünən sürücü boş yeri qoyub ikinci zolaqda dayandı - VİDEO

Xırdalanda qayda pozan sürücü hərəkətə mane olub. Avtosfer.az xəbər verir ki, hadisə oktyabrın 20-də, Mehdi Hüseynzadə küçəsində baş verib.

Belə ki, 90-RZ-533 qeydiyyat nişanlı "VAZ 2170" markalı avtomobilin sürücüsü ikinci cərgədə dayanaraq sağ zolaqla hərəkət edən maşınların qarşısını kəsib. Bu səbəbdən yolda sıxlıq yaranıb. Videodan da aydın şəkildə görünür ki, 10 metr qarşıda boş yerin olmasına baxmayaraq, sürücü heç kimi düşünmədən öz rahatlığını təmin edib.

Qeyd edək ki, bu qayda pozuntusuna görə, İnzibati Xətalar Məcəlləsinin 346.4-cü maddəsilə 2 bal 80 manat məbləğində cərimə nəzərdə tutulub.

Fərid