Öz rahatlığını düşünən sürücü ikinci cərgəni zəbt edib hərəkəti çətinləşdirdi - VİDEO

Xırdalanda yol hərəkəti qaydasını pozan sürücü kameraya düşüb. Avtosfer.az xəbər verir ki, hadisə Mehdi Hüseynzadə küçəsində baş verib.

Belə ki, 77-LY-599 qeydiyyat nişanlı "KIA" markalı avtomobilin sürücüsü ikinci cərgədə dayanaraq qaydanı pozub. Bu səbəbdən digər sürücülərin yolunu kəsərək sıxlığa səbəb olub.

İnzibati Xətalar Məcəlləsinin 346.4-cü maddəsində qeyd olunub ki, yanqoşqusu olmayan motosikletlər, mopedlər, velosipedlər və kiçik elektrik nəqliyyat vasitələri istisna olmaqla, digər nəqliyyat vasitələrinin yolun hərəkət hissəsinin kənarında ikinci və sonrakı cərgələrdə dayanmasına və ya durmasına görə,

səksən manat məbləğində cərimə nəzərdə tutulub.

Könül Rauf