Parklanma yerində bunu edənləri kamera çəkir - DİQQƏTLİ OLUN! - FOTO

Parklanma yerində qayda pozan sürücü kamera vasitəsilə cərimə edilib. Avtosfer.az xəbər verir ki, xüsusi nişanlarla işarələnmiş ödənişli parklanma yerlərində bəzi sürücülər nişanlanma xəttinin tələblərini pozurlar. Lakin buna görə cərimə yazılmasından xəbərsizdirlər. Belə ki, 99-VM-809 qeydiyyat nişanlı "Mercedes" markalı avtomobilin sürücüsü asfalt üzərindəki parklanma yerinin sərhədini bildirən nişanlanma xəttinin tələbini pozub. Yəni, o, özündən qarşıdakı parklanma yerinə qismən daxil olaraq qaydaları pozub. Bu səbəbdən kamera vasitəsilə məsuliyyətə cəlb edilib. Bu qayda pozuntusunun törədilməsinə görə, İnzibati Xətalar Məcəlləsinin 346-1.2-ci maddəsilə

on manat məbləğində cərimə nəzərdə tutulub.

Qeyd edək ki, yeni hazırlanmış qanun layihəsində bu qaydanın pozulmasına görə, 20 manat məbləğində cərimə nəzərdə tutulub.

Könül