Qayda pozuntuları törədən sürücü hər iki əlini sükandan çəkib telefonla oynadı - RƏSMİ - VİDEO

Kobud qayda pozuntuları törədən sürücünün görüntüləri sosial şəbəkədə müzakirələrə səbəb olub.

Avtosfer.az-ın məlumatına görə, görüntülər müxtəlif vaxtlarda Şamaxı rayonu ərazisində qeydə alınıb. Belə ki, sürücü 90-DX-019 dövlət nömrə nişanlı “Mercedes” markalı və 99-NK-019 dövlət nömrə nişanlı “Toyota” markalı avtomobillərlə qayda pozub. O, sərt manevrlər edərək özüylə yanaşı nəqliyyat vasitəsində olan sərnişinlərə də təhlükə yaradıb. Sürücü bir əlində mobil telefon digəriylə sükan çənbərini idarə edərək özünü videoya çəkib. Hətta digər görüntüdə əlini tamamilə sükan çənbərindən götürüb və bu zaman yan oturacaqdakı sərnişin avtomobili idarə edib.

DİN-in Mətbuat Xidmətinin Şəki regional qrupundan Avtosfer.az-ın sorğusuna cavab olaraq bildirilib ki, görüntülər araşdırılır və qısa zamanda məlumat veriləcək. 

Nərmin