Şamaxıda "Jiquli" ağaca çırpıldı, yeniyetmə öldü

Şamaxıda ölümlə nəticələnən yol qəzası olub.

Avtosfer.az xəbər verir ki, hadisə bu gün saat 13 radələrində Əngəxəran kəndi ərazisində baş verib. “VAZ-2106”markalı avtomobil idarəetmədən çıxaraq yolun kənarındakı ağaca çırpılıb.

Nəticədə 16 yaşlı E.Ə aldığı xəsarətlərdən hadisə yerində ölüb.

DİN-in mətbuat xidmətinin Şəki regional qrupundan cavab olaraq bildirilib ki, ölümlə nəticələnən yol-nəqliyyat hadisəsi ilə bağlı rayon polis şöbəsində cinayət işi başlanılıb, istintaq aparılır.

Faktla bağlı cinayət işi başlanılıb, araşdırmalar aparılır.

(lent.az)