Şamaxinkada yollarını qısaldan sürücülər "protiv" sürürlər - VİDEO

Paytaxtın Moskva prospektində (Şamaxinkada) sürücülər yollarını qısaltmaq üçün kobud qayda pozuntuları törədirlər. Avtosfer.az xəbər verir ki, videogörüntü oktyabrın 16-da qeydə alınıb.

Belə ki, 2-ci Alatava ərazisi istiqamətinə hərəkət etmək istəyən sürücülər avtovağzaldan geriyə dönməmək üçün qayda pozmağa üstünlük verirlər. Sürücülər geriyə döndükdən sonra ya axına qarşı əks gedirlər, ya da ki, geriyə hərəkət edərək manevr qaydasını kobud şəkildə pozurlar.

Qeydə alınmış videogörüntüdən də aydın şəkildə görünür ki, 10-MJ-055 qeydiyyat nişanlı "Audi" markalı avtomobilin sürücüsü birtərəfli yolun əksi istiqamətinə hərəkət edib, 90-OS-090 qeydiyyat nişanlı "Lexus" markalı avtomobilin sürücüsü isə geriyə hərəkət edərək qaydaları kobud şəkildə pozublar.

Qeyd edək ki, bu formada geriyə hərəkət etmək qanunla qadağandır. Geriyə hərəkət yalnız ən qısa məsafədə (məsələn parklanma etmək üçün) istifadə edilə bilər.

Fərid