Sarı nömrəsi olmayan moped sürücülərini nə gözləyir? - VİDEO

Son zamanlar paytaxt küçələrində sarı nömrəli mopedlərin hərəkət etməsinin şahidi oluruq. Sosil şəbəkələrdə yayılan məlumata əsasən, bu nömrələrin Dövlət Yol Polisi İdarəsi tərəfindən verildiyi və nömrənin olmadığı halda cərimə yazıldığı bildirilib.

DİN-in Baş Dövlət Yol Polisi İdarəsinin rəsmisi, polis polkovnik-leytenantı Mübariz Ağayev məsələ ilə bağlı Avtosfer.az-ın sorğusuna cavab olaraq bildirib ki, bu şəkildə dövlət qeydiyyat nişanları Baş Dövlət Yol Polisi İdarəsi tərəfindən hər hansısa bir nəqliyyat vasitəsinə verilmir. Bu, ayrı-ayrı şəxslər tərəfindən kustar üsulla hazırlanan və qeydiyyat nişanlarına bənzədilən bir lövhədir. Mopedlərin üzərində olan həmin lövhə heç bir hüquqi əhəmiyyət kəsb etmir. Qanunvericiliyə edilən sonuncu dəyişikliyə əsasən, maksimum sürəti 50 km/saatdan artıq olan nəqliyyat vasitələri dövlət qeydiyyatına alınmalıdır. Həmin nəqliyyat vasitələrini idarə edən sürücülərin isə A kateqoriyalı sürücülük vəsiqəsi olmalıdır. Bir daha qeyd etmək istəyirəm ki, sarı fonlu, üzərində müxtəlif rəqəmlə yazılan bu lövhələr Baş Dövlət Yol Polisi İdarəsinə aid deyil.

Nərmin