Şəhərdə "ala-bula" "07" - İntizamsızlıq edib insanlara təhlükə yaradır - VİDEO

Qaydalara əməl etməyən sürücünün hərəkətləri kameraya düşüb. Avtosfer.az xəbər verir ki, videogörüntü oktyabrın 22-də, paytaxtın Afiyəddin Cəlilov küçəsində qeydə alınıb.

Belə ki, 10-CN-584 qeydiyyat nişanlı "VAZ 2107" markalı avtomobilin sürücüsü iki zolağın arası ilə hərəkət etdiyi üçün keçiddə hərəkət edən piyadanı görməyib. Bu zaman təhlükəni görən qadın dayanaraq özünü qorumağa çalışıb. Sürücü avtomobili son anda dayandıraraq piyadaya yol verib.

Avtomobilin xarici görünüşündən sürücünün intizamsız olması aydın şəkildə görünür. Maşının rəngi ağ olsa da, yük yeri hissəsi, qanadı və qapısı qara rəngdədir. Eyni zamanda avtomobilin konstruksiyasına dəyişiklik edilərək ön hissəsi yuxarı qaldırılıb.

Fərid