Sürücü qırmızıda yolayrıcına daxil olub 3 maşına qəza şəraiti yaratdı - VİDEO

Xırdalanda yol hərəkəti qaydasını kobud şəkildə pozan sürücü qəza şəraiti yaradıb. Avtosfer.az xəbər verir ki, hadisə Heydər Əliyev prospektində baş verib.

Belə ki, 77-AR-175 qeydiyyat nişanlı "Hyundai" markalı avtomobilin sürücüsü qırmızı işıqda yolayrıcına daxil olub. Bu zaman yaşıl işıqda digər istiqamətdən hərəkət edən avtomobillərin qarşısına çıxaraq onlara qəza şəraiti yaradıb. Sürücülər təhlükəni görən anda dayanaraq qəzadan son anda yayınıblar.

Qeyd edək ki, bu qayda pozuntusuna görə, İnzibati Xətalar Məcəlləsinin 327.2-ci maddəsi ilə 3 bal 100 manat məbləğində cərimə nəzərdə tutulub.

Fərid