Sürücülər yazılan cərimələrdən narazıdır: "20 manat əvəzinə 80 manat yazılır" - FOTO

Bakıda dayanma-durma qaydasını pozan sürücü yazılmış cərimə ilə bağlı sosial şəbəkə hesabında paylaşım edib. Avtosfer.az xəbər verir ki, sürücü paytaxtın Seyid Cəfər Pişəvəri küçəsində dayanma-durma qaydasını pozub. Lakin onun barəsində 20 manatlıq cərimə əvəzinə 2 bal 80 manatlıq cərimə tətbiq edilib.

Həmin paylaşımın rəy bölməsində sürücülərdən biri ikinci cərgədə dayanmadığı halda onun barəsində də 80 manat cərimə yazıldığını bildirib.

Qeyd edək ki, İnzibati Xətalar Məcəlləsinə edilmiş son dəyişiklikdən sonra ikinci cərgədə dayanma-durma qaydasının pozulmasına görə cərimə 2 bal 80 manat məbləğində müəyyən edilib. Lakin nişanın tələbi birinci cərgədə dayanmaqla pozulubsa, bunun cəriməsi 20 manat olaraq qalıb.

Fərid