Sürücülərə qanundan dərs keçən təlimçi qaydanı pozdu - VİDEO

Bakıda yol hərəkəti qaydalarını pozan sürücü kameraya düşüb. Avtosfer.az xəbər verir ki, hadisə paytaxtın Zaur Nudirəliyev küçəsində baş verib.

Belə ki, 20-EV-709 qeydiyyat nişanlı "Nissan" markalı təlim avtomobilinin sürücüsü geriyə dönən zaman əks yoldan gələn avtomobilin qarşısına çıxıb. Qaydalardan xəbərsiz təlimçi bu hərəkəti etməklə görüntünü qeydə alan sürücüyə mane olub.

"Yol hərəkəti haqqında" qanunun 42-ci maddəsində qeyd olunub ki, manevr zamanı sürücü elə dönməlidir ki, nəqliyyat vasitəsi hərəkət hissələrinin kəsişdiyi yerdən çıxarkən, qarşıdan gələn nəqliyyatın yoluna keçməsin.

Bu qaydanın pozulmasına görə, İnzibati Xətalar Məcəlləsinin 327.2-ci maddəsi ilə 3 bal 100 manat cərimə nəzərdə tutulub.

Fərid