Svetoforun son saniyələrinə dözməyən sürücü piyadalara təhlükə yaratdı - VİDEO

Bakıda yol hərəkəti qaydalarını pozan sürücü təblükə yaradıb. Avtosfer.az xəbər verir ki, görüntü paytaxtın Xocalı prospektində qeydə alınıb.

Belə ki, 99-GG-787 qeydiyyat nişanlı "Mercedes" markalı avtomobilin sürücüsü svetoforun qırmızı işığının son saniyələrini gözləmədən hərəkətinə davam edib. Bu zaman keçidi keçən piyadalara yol verməyərək onlara təhlükə yaradıb.

Qeyd edək ki, svetoforun qadağanedici işığında hərəkət etdiyi üçün, sürücü İnzibati Xətalar Məcəlləsinin 327.2-ci maddəsilə 3 bal 100 manat məbləğində cərimə oluna bilər.

Fərid