Xətaidə “VAZ”la “oyun çıxarıb” təhlükə yaradan sürücü - 90-ZD-603 - VİDEO

Paytaxtın Xətai rayonunda qaydaları kobud şəkildə pozan sürücü videolarını çəkərək sosial şəbəkə hesabında paylaşıb.

Avtosfer.az-ın məlumatına görə, 90-ZD-603 dövlət nömrə nişanlı “VAZ-2103” markalı avtomobilin sürücüsü yolda sərt manevrlər edib. Belə ki, o, “sağ-sol” edərək təkərlərin yolun səthi ilə sürtünməsi səsləri çıxarıb və təkər izləri buraxıb. Digər görüntüdə təhlükəli “şou”suna davam edən sürücü hərəkətdə olan digər nəqliyyat vasitələrinə qəza riski yaradıb. Eyni zamanda avtomobilə konstruksiyasına dəyişiklik edən sürücü nəqliyyat vasitəsinin arxa yaylarını kəsərək ön hissəsini qaldırıb. 

Xatırladaq ki, sürücünün törətdiyi qayda pozuntusu avtoxuliqanlıqlıq göstəricilərinə əsaslandığı üçün İnzibati Xətalar Məcəlləsinin 511.1-ci maddəsiylə nizamlana bilər.

Nərmin