Xırdalanda “avtoş şou” göstərən sürücü: “Maşınımı "ştrafnoylarda" daha çox görə bilərsiniz” - VİDEO

Xırdalanda avtoxuliqanlıq edən sürücü özünü videoya çəkərək “TikTok” sosial platformasında paylaşıb. 

Avtosfer.az-ın məlumatına görə, 07-BK-167 dövlət nömrə nişanlı “Khazar” markalı avtomobilin sürücüsü yolda təhlükəli manevrlər edib. Şəhərin Məhəmməd Əmin Rəsulzadə küçəsində “sağ-sol” edən sürücü əks istiqamətli yola çıxır. Daha sonra o, dəfələrlə manevr edərək “şou” göstərir. Heydər Əliyev prospektində qeydə alınmış digər görüntüdə isə sürücü yenidən “avtoş”luq edir və bu zaman hərəkətdə olan digər nəqliyyat vasitələrinə təhlükə yaradır.

Qeyd edək ki, sürücü törətdiyi qayda pozuntularına görə avtomobilinin dəfələrlə mühafizə olunan duracağa aparıldığını qeyd edib.

Xatırladaq ki, sürücünün törətdiyi qayda pozuntusu avtoxuliqanlıqlıq göstəricilərinə əsaslandığı üçün İnzibati Xətalar Məcəlləsinin 511.1-ci maddəsiylə nizamlanır.

Nərmin