Yasamalda dəfələrlə qayda pozan “AA” seriyalı maşının sürücüsü cərimələndi - VİDEO

Paytaxtın Yasamal rayonunda qayda pozan sürücü avtomobillərə təhlükə yaradıb.

Avtosfer.az-ın məlumatına görə, xoşagəlməz mənzərə bir müddət əvvəl Zərgərpalan küçəsində qeydə alınıb. Videodan da göründüyü kimi, 90-AA-385 dövlət nömrə nişanlı “Toyota” markalı avtomobilin sürücüsü maşını yolayrıcında park edib. Nəticədə o, yolayrıcına daxil olan sürücülərin soldan gələn nəqliyyat vasitələrini görməsinə əngəl törədib. Belə ki, yolu görə bilməyən sürücülər ehtiyatla irəliləyərək hərəkətlərinə davam ediblər.

Digər kadrda isə sözügedən sürücü düzgün ara məsafəsi təyin etmədiyi üçün qəfil tormoz verərək qəzadan son anda xilas olub.

Qeyd edək ki, sözügedən sürücü Yasamal rayon Dövlət Yol Polisi Şöbəsinin əməkdaşları tərəfindən müəyyən olunaraq  İnzibati Xətalar Məcəlləsinin 346.5-ci maddəsinə əsasən 40 manat məbləğində cərimələnib.

Nərmin