Yol polisi adacığı parkinqə çevirib “TikTok”da paylaşanları cəzalandırdı - VİDEO - YENİLƏNİB

Bakı şəhər Dövlət Yol Polisi İdarəsindən Avtosfer.az-a bildirilib ki, qaydaları pozan sürücülərin hər üçü Nəsimi rayon Dövlət Yol Polisi Şöbəsinin əməkdaşları tərəfindən aşkar edilib və barələrində inzibati qaydada protokol tərtib edilib. Onlar İnzibati Xətalar Məcəlləsinin 327.1-ci maddəsi ilə 40 manat məbləğində cərimələnib. Eyni zamanda, DYP əməkdaşları sürücülərlə maarifləndirici söhbətlər apararaq bir daha belə xətalara yol verməməyi tövsiyə edib.

***

12:12

Bakıda avtomobilini harada ürəyi istədi saxlayıb videosunu çəkən, sosial şəbəkədə reklam edən sürücülərin sayı artmaqdadır.

Avtosfer.az xəbər verir ki, paytaxtın Nəsimi rayonu Hüseynbala Əliyev küçəsindəki təhlükəsizlik adacığını zəbt edən 09-BO-017, 99-EF-411 və 10-RZ-170 qeydiyyat nişanlı “Hyundai” markalı avtomobillərin sahibləri bu ərazini özləri üçün parklama yerinə çevirib.

Təhlükəsizlik adacığında dayanmaqla həm qayda pozub, həm də digər hərəkət iştirakçılarına maneə yaradıblar. ,

Qeyd edək ki, hər üç maşının sahibi İnzibati Xətalar Məcəlləsinin müvafiq maddəsinə əsasən cərimələnə bilər.

Səfər