Yol polisinin saxladığı sürücü yenidən özbaşınalıq edir: Nömrəsiz, işıqsız, "popkorn" - VİDEO

Bakıda yol hərəkəti qaydalarını pozan sürücünün videosu sosial şəbəkədə yayılıb. Avtosfer.az xəbər verir ki, hadisə paytaxtın Yusif Səfərov küçəsində baş verib.

Belə ki, 99-PV-082 qeydiyyat nişanlı "Khazar" markalı avtomobilin sürücüsü ön qeydiyyat nişanını çıxararaq hərəkət edib. Avtomobilin arxa stop işığının birinin olmaması və səs boğucu sistemində "popkorn" adlanan səsin olması videogörüntüdə əks olunub.

Qeyd edək ki, ötən ay Xəzər rayonu ərazisində qayda pozan sürücülərə qarşı keçirilən tədbirlər zamanı 99-PV-082 qeydiyyat nişanlı avtomobildə qanunla tətbiqinə icazə verilməyən plyonka aşkar edilib. Bu səbəbdən nəqliyyat vasitəsi duracağa yerləşdirilərək sürücü barəsində qanunamüvafiq qaydada tədbirlər görülüb.

Fərid