Yolayrıcında qayda pozan “Toyota” sürücüsü motosikletlə toqquşdu - ANBAAN VİDEO

Paytaxtın Nərimanov rayonu Ağa Nemətulla küçəsində baş vermiş qəza anbaan kameraya düşüb.

Avtosfer.az-ın məlumatına görə, hadisə oktyabrın 7-də saat 19:38 radələrində qeydə alınıb. Belə ki, 90-RT-025 dövlət nömrə nişanlı “Toyota” markalı maşın 99-E-573 dövlət nömrə nişanlı motosikletlə toqquşub. Görüntüdən də aydın olduğu kimi, yolayrıcına daxil olan “Toyota” sürücüsü sağdan gələn motosikletə əhəmiyyət vermədən geriyə dönür. Bu zaman motosiklet sürücüsü sağa manevr edərək baş verə biləcək ağır qəzadan xilas olur.

Məlumdur ki, nizamlanmış yolayrıcında hərəkətin təşkili işıqforla tənzimlənir. Nizamlanmamış yolayrıcında isə hərəkət üstünlüyü sağ tərəfdən gələn nəqliyyat vasitələrində olur.

Nərmin