Yolda heç bir nişan olmadığı halda sürücüyə 100 manat cərimə yazıldı - VİDEO

Bakıda qaydaları pozmadığını iddia edən sürücü cərimələnib. Avtosfer.az xəbər verir ki, hadisə paytaxtın Məhəmməd Hadi küçəsində (Əhmədli metrostansiyasının yanında) baş verib. Belə ki, 99-RY-381 qeydiyyat nişanlı "Hyundai" markalı avtomobilin sürücüsü dayanmanın qadağan edilmədiyi yerdə parklanma etdiyi halda cərimələnib.

O bildirir ki, həmin yolun başlanğıcında nə dayanma-durmanı qadağan edən, nə də ki, avtobus zolağını bildirən 5.9 nişanı var. Buna baxmayaraq onun barəsində İnzibati Xətalar Məcəlləsinin 346.8-ci maddəsi ilə 2 bal 100 manat məbləğində cərimə tətbiq edilib.

Sürücü yazılmış cərimənin düzgün olmadığını və bu səbəbdən məhkəməyə müraciət edəcəyini bildirib.

Fərid