Yolun ortasına əkilmiş ağac insanların həyatına təhlükə yaradır - VİDEO

Bakıda hərəkət iştirakçılarının həyatı üçün təhlükə yaradan məsələ ilə bağlı bir neçə sürücü redaksiyamıza müraciət ünvanlayıb. Avtosfer.az xəbər verir ki, söhbət paytaxtın Əhməd Rəcəbli küçəsindən gedir. Sözügedən küçənin iki hissəsində nizamlanmayan piyada keçidləri təşkil edilib. Lakin bu piyada keçidlərində həm sürücülər, həm də piyadalar təhlükə ilə üz-üzə qalırlar. Belə ki, piyada keçidinin düz qarşısında (ayırıcı zolağın üzərində) ağac əkilib. Ağacın radiusu böyük olduğu üçün keçidə yaxınlaşan sürücülər piyadaları görmürlər. Belə halda ya sərt tormoz verərək arxadan gələn sürücülərə təhlükə yaradırlar, ya da piyadaları vurma təhlükəsi ilə üz-üzə qalırlar. Videogörüntüdən də aydın şəkildə görünür ki, iki keçid arasında heş bir ağac, yaşıllıq yoxdur. Ağacalar hər iki keçidin qarşısında əkilib. Sanki sürücülərə və piyadalara təhlükə yaratmaq üçün düşünülüb.

Könül