Yük maşınını dayancaqda saxlayan sürücü avtobusların yolunu kəsdi - FOTO

Bakıda dayanma-durma qaydasını pozan sürücünün görüntüsünü oxuculardan biri qeydə alaraq redaksiyamızın qaynar xəttinə göndərib. Avtosfer.az xəbər verir ki, hadisə avqustun 18-də, paytaxtın Abdulvahab Salamzadə küçəsində qeydə alınıb.

Belə ki, 99-JF-076 qeydiyyat nişanlı "Mercedes" markalı yük avtomobilinin sürücüsü 29 saylı marşrut avtobusunun dayanacağında parklanma edərək oranı zəbt edib. Onun bu hərəkətinə görə avtobuslar dayanacaqdan kənarda dayanmağa məcbur olublar.

Qeyd edək ki, bu qayda pozuntusunun törədilməsinə görə, İnzibati Xətalar Məcəlləsinin 346.2-ci maddəsilə 40 manat məbləğində cərimə nəzərdə tutulub.

Fərid