Avtobuslar Bakını belə dağıdır - ÖLÜMLƏ RƏQS EDƏNLƏR – ŞOK VİDEO

Avtosfer.az saytı Bakıda avtobus sürücülərinin özbaşınalığını əks etdirən yeni videomaterialı təqdim edir. Bu kadrlar Daxili İşlər Nazirliyinin «Təhlükəsiz şəhər» Avtomatlaşdırılmış İdarəetmə Mərkəzinin kameraları vasitəsilə qeydə alınıb.

Bu kadrlarda avtobus sürücülərinin sadəcə intizamsızlığı deyil, harınlığı da əks olunur. Gördüyümüz hər bir qayda pozuntusuna görə 100 manat və 4 cərimə balı nəzərdə tutlur. Bunu avtobus sürücüləri də gözəl bilirlər. Əgər onlar öz ağalarına arxayın olmasalar, bu dərəcədə azğınlıq etməzdilər.

Maraqlısı həm də odur ki, bəzi digər sürücülər də onlara qoşulub intizamsızlıq edirlər. İkinci süjetdə hətta bir taksi avtobusun arxasında elə gizlənməyə çalışır ki, kamera onu «görməsin». Bu mənzərə nəqliyyat sahəsindəki biabırçılığı göstərir. Həmin sürücülər öz sərnişinlərini mənzil başına tez çatdırmaq yox, növbəti 20 qəpiyi ələ keçirmək barədə düşünürlər.

Avtosfer.az