Bloqqerlərin təhlükəli sürücülük videolarının SƏBƏBİ İZAH OLUNDU

Rusiya Daxili İşlər Nazirliyi (DİN) bloqqerlərin təhlükəli sürücülük videoları çəkmələrinin səbəbini izah edib.

Avtosfer.az bu barədə Rusiya DİN-nin Milli Yol Təhlükəsizliyi Mərkəzinin hesabatına istinadən xəbər verir.

Təhlillər göstərir ki, bir qayda olaraq, videolar böyük abunəçi auditoriyası (ən azı 50 min) olan 23-30 yaşlı bloqqer sürücülər tərəfindən paylaşılır.

Videoların müddəti yerləşdirmə platformasından asılı olaraq 1-15 dəqiqə arasında dəyişir.

Qaydaları pozanların “sevimli” manevrləri arasında nəqliyyatın sıx hərəkəti zamanı zolaqların dəyişdirilməsi, qəfil tormozlama, sürət həddinin aşılması, uşaq və yeniyetmələrin daşınması qaydalarının pozulması var.

Bildirilir ki, bloqqerlər bəyənmə və şərhlər üçün belə təhlükəli yollara əl atırlar.

Namiq Musayev