Bakıda gülməli yol: 10 metrdən bir piyada keçidi var - VİDEO

Bakıda yol hərəkətinin təşkilində olan nöqsanlar sürücü və piyadalar arasında gərginlik yaradır. Avtosfer.az xəbər verir ki, paytaxtın Mir Cəlal küçəsində nizamlanmayan piyada keçidləri silinmədən onlara yaxın yerdə yenidən piyada keçidləri təşkil edilib. Sürücülər yolda hərəkət edən zaman ancaq nizamlanmayan piyada keçidləri ilə qarşılaşırlar. Piyadalar da ləğv olunmuş, lakin silinməmiş piyada zolağından keçir və nəticədə sürüclərlə piyadalar arasında çaşqınlıq yaranır.

Qeyd edək ki, həmin küçə təmir olunduqdan sonra yol diqqətlə müayinə olunmalı və daha sonra yol nişanları və nişanlanma xətləri təşkil edilməli idi. Lakin görünən mənzərə onu göstərir ki, piyada keçidlərini harada və necə gəldi təşkil ediblər və daha sonra məlum olub ki, düzgün yerdə təşkil edilməyib. Həmin piyada keçidləri tam silinmədən bir neçə metr sonra yola yeni nizamlanmayan piyada zolaqları çəkilib.

Qeyd etdiyimiz küçədən çəkilmiş videogörüntünü sizə təqdim edirik.

Ümid edirik ki, aidiyyəti qurumlar bu məsələyə reaksiya verib mövcud problemi aradan qaldıracaq.

Fərid