Avtobus zolağında hərəkət etməyin və dayanmağın cəriməsi yoxdur - BU ŞƏRTLƏ - FOTO

Ümumi istifadədə olan nəqliyyat vasitələrinin rahat və fasiləsiz hərəkəti üçün paytaxtın küçə və prospektlərində zolaqlar təşkil edilir. Avtosfer.az xəbər verir ki, bəzi küçələrdə avtobus zolağı nişanı (5.9 nişanı) qüvvədə olma lövhəciyi ilə birgə (7.5.4 lövhəciyi) quraşdırılır. Həmin lövhəcikdə qeyd olunmuş saatlar istisna olmaqla digər saatlarda sürücülərin avtobus zolağında hərəkəti qaydalar çərçivəsindədir.

Bəs avtobus zolağının qüvvədə olmadığı saatlarda həmin zolaqda dayanma-durmaya icazə var?

Qeyd edək ki, lövhəcikdə göstərilən saatlardan kənar vaxtda avtobus zolağı öz statusunu itirir. Belə olan halda avtobus zolağı ilə bağlı bütün məhdudiyyətlər də öz qüvvəsini itirir. Bu səbəbdən lövhəcikdə göstərilən saatlardan kənar vaxtda həmin zolaqda dayanma-durma ilə bağlı sürücülərə heç bir cərimə tətbiq edilə bilməz.

Könül Rauf