Avtomobildəki nasazlığı süni intellekt aşkar edir - VİDEO

Süni intellektin tətbiq sahəsi hər gün genişlənir. İndi bu texnologiyadan avtomobil təmirində istifadə edilir. 

Avtosfer.az xəbər verir ki, ABŞ-nin Las-Veqas ştatındakı servis mərkəzləri maşınların süni intellektlə müayinəsinə başlayıb. Mexanizm sadədir: Avtomobil skanerdən keçirilir və 4 tərəfdən şəkilləri çəkilir. Bundan sonra fotolar kompüterə yüklənərək xüsusi proqramla təhlil edilir. 
Süni intellekt cəmi 40 saniyəyə bütün nasazlıqları ortaya çıxarır. Yerdə qalanı isə ustaların işidir. 
Hazırda UVEye deyilən sistem ABŞ-də 300 servisdə tətbiq edilir. Yaxın vaxtlarda bu proqram Avropada da tətbiq ediləcək.

Vüqar