Avtomobillərdə şüşəsilən necə icad olundu? – Tarixi kəşfin maraqlı hekayəsi - FOTO

Bugünkü avtomobillərdə əsas təhlükəsizlik elementlərindən biri olan ön şüşə silgisi ilk dəfə 1903-cü ildə Mary Anderson adlı bir qadın tərəfindən ixtira edilib. Onun bu sadə, lakin önəmli kəşfi illər sonra bütün dünyada standart avtomobil avadanlığına çevriləcəkdi.

Avtosfer.az-ın məlumatına görə, hadisələr Nyu-York şəhərində qarlı bir gündə baş verib.

1903-cü ilin qışında Meri Anderson Nyu-Yorka səfər edərkən, sulu qar yağışı zamanı tramvay sürücüsünün pəncərənin buğlanması və çirklənməsi səbəbilə ön şüşə açıq şəkildə idarə etdiyini gördü. Bu vəziyyət təhlükəsizliyi sual altına atırdı. Səfərdən sonra, o, yaşadığı Alabama ştatına qayıtdı və bu problemi həll etmək üçün xüsusi bir mexanizm hazırlamağa qərar verdi.

Anderson avtomobillərin ön şüşəsini təmiz saxlamaq üçün əl ilə idarə olunan bir şüşəsilən mexanizmi dizayn etdirdi. Bu mexanizm, avtomobilin içərisində yerləşən bir qol vasitəsilə işləyirdi və yaylı qollu silgi ön camın üzərində irəli-geri hərəkət edirdi. Silginin üzərindəki ağırlıq isə şüşə ilə silgi arasındakı təmasın stabil qalmasını təmin edirdi.
Bu yenilikçi ideya üçün Anderson 1903-cü ildə 17 illik patent hüququ aldı. Onun hazırladığı sistem, öncədən mövcud olan oxşar qurğulardan fərqli olaraq, ilk real funksional və təsirli sistem hesab olunurdu.

Eltac Zülfüqaroğlu