Bu ölkələrdə sərxoş sürücülər üçün heç bir cəza yoxdur

Dünya ölkələrinin böyük əksəriyyətində sürücülərin alkoqoldan istifadəsi qadağandır. Bəzi ölkələrdə qanda 0,1-0,5 promil arasında spirtin olması qanunsuz hesab edilmir. Lakin bu, hansısa ölkədə, məsələn Almaniya və ya İtaliyada sürücülərin spirtli içki qəbul etməsinə icazə verilməsi anlamına gəlmir. 
Avtosfer.az xəbər verir ki,  2 Afrika ölkəsində - Benin və Liberiyada sükan arxasında spirtli içki qəbul etməklə bağlı məhdudiyyət yoxdur. Lakin bunun da belə davam etməyəcəyi məlumdur. Hər 2 ölkədə ekspertlər məsələ ilə bağlı həyəcan təbili çalırlar. Lakin əhali məhdudiyyət tətbiqinə qarşı çıxır. 

Bir maraqlı məqam da budur ki, Afrikanın əksər ölkələrində spirtli içkilər üçün konkret tündlük dərəcəsi müəyyən edilməyib. Texnologiya aşağı səviyyəli olduğu üçün hər məhsul partiyası, hər şirkətin məhsulu ayrı faizlə satışa çıxır.

Vüqar