Bu sürücülər gündüz vaxtı da işıqları yandırmalıdır: Əks halda... - VİDEO

Sürücülərin bilmədikləri qaydalardan biri də işıq cihazlarından istifadə edilməsi qaydalarıdır. Bu qaydalar "Yol hərəkəti haqqında" qanunun 73-cü maddəsi ilə tənzimlənir. Digər nəqliyyat vasitəsiləri ilə yanaşı motosiklet və mopedlər üçün də xüsusi qaydalar müəyyən olunub. Lakin əksər sürücülər bu qaydalara əməl etmirlər. Qanunvericilikdə qeyd olunub ki, günün işıqlı vaxtında motosiklet və moped sürücüləri hərəkət zamanı faranın yaxın işıqlarını yandırmalıdırlar. Gündüz vaxtı faranın yaxın işıqlarının yandırılmasının məqsədi müvafiq nəqliyyat vasitəsini başqa hərəkət iştirakçılarına göstərərək, onları diqqətli olmanın zəruriliyi barədə xəbərdar etməkdir. Lakin həmin hallarda faranın yaxın işıqları əvəzinə qabaq duman faralarının yandırılması da kifayətdir.

Nərmin