Dənizin suyu isindi, avtoyuma məntəqələri bağlandı

Qazaxıstanın Aktau şəhərində su qıtlığına görə avtoyuma məntəqələri bağlanıb.

Avtosfer.az xəbər verir ki, ciddi su qıtlığına görə hakimiyyət orqanları 70 avtoyuma məntəqəsini bağlayıb. Aktau şəhərinin gündəlik tələbatı 200 min kub metrdir. Hazırda şəhərə fasilələrlə 160 min kub metr su verilir. 
Havaların isinməsi sərfiyyatı artırmaqla yanaşı suşirinləşdirici qurğuların da işini çətinləşdirib. Xəzərin suyu isindiyi üçün təmizləmə qurğularının məhsuldarlığı aşağı düşüb. Məsələnin həlli üçün 10 əlavə qurğu tikilməsi nəzərdə tutulub. 
Regionda təbii su mənbələri olmadığı üçün 1963-cü ildən etibarən Aktaunun su təchizatı Xəzər dənizinin hesabına təmin edilir.

Vüqar