Dönmə işığını bu cür yandıran sürücülərin diqqətinə! - CƏRİMƏSİ VAR - VİDEO

Sosial şəbəkələrdə bəzi sürücülər yeni trendə qoşulublar. Avtosfer.az xəbər verir ki, onlar işıq cihazlarından istifadə qaydalarını pozaraq video çəkirlər və həmin videonu sosial şəbəkə hesablarında paylaşırlar.

Təqdim etdiyimiz videoda 59-BE-092 qeydiyyat nişanlı "Mercedes" markalı avtomobilin sürücüsü dönmə işıqlarını gah sağa, gah da sola yandıraraq qaydaları pozub. Bəzi sürücülər bunun əhəmiyyətsiz olduğunu düşünsələr də, dönmə işığının yollarda çox böyük rolu var.

Hər bir səhv verilən işıq siqnalı digər hərəkət iştirakçılarını çaşdıra bilər. Bu səbəbdən işıq cihazlarına dair qaydalara ciddi şəkildə əməl etmək lazımdır. Unutmaq olmaz ki, bu bir oyuncaq deyil, nəqliyyat vasitəsidir. Yolda atılan hər bir səhv addımın sonu faciə ilə bitər.

Qeyd edək ki, işıq cihazlarından düzgün istifadə etməyən sürücülər 30 manat məbləğində cərimə oluna bilərlər.

Fərid