Dünyanın ən bahalı kabrioleti hərraca çıxarılır - FOTO

Ötən əsrin 40-cı illərində ABŞ bazarına daxil olan Ferrari burada ciddi uğur qazanır. Tələbkar və zəngin müştərilər italiyalı istehsalçını daha zövqlü və cəlbedici modellər yaratmağa vadar edir. Son nəticədə maraqlı avtomobillər ərsəyə gəlir.

Avtosfer.az xəbər verir ki,  “Sotheby’s” hərrac evi belə avtomobillərdən birini satışa çıxaracaq. Hərraca çıxarılacaq “Ferrari 250 SWB California Spyder” modelini fərqləndirən xüsusiyyət kabriolet tipli kuzovun cəmi 37 ədəd istehsal edilməsidir. Üstəgəl, hərraca çıxarılan avtomobilin şassi nömrəsi 001-dir. Bu həm də 1960-cı ildə Cenevrə avtosalonunda nümayiş etdirilmiş avtomobildir. 

Kaliforniyada avqust ayında satışa çıxarılacaq avtomobilin 16-18 milyon dollara müştəri tapacağı ehtimal olunur. Belə qiymətə hərrac reallaşarsa, bu, dünyanın ən bahalı kabriolet satışı olacaq.

Vüqar