Elektromobil istismarı ən rahat olan ölkələr 

İnsanları elektromobilə keçidə əsasən bir məsələyə görə tərəddüd edirlər: zəruri infrastrukturun yoxluğu və ya ölkəni tam əhatə etməməsi. Dolduma məntəqələrinin çox olduğu ölkələrdə elektromobilə maraq da yüksək olur. 

Avtosfer.az xəbər verir ki, dünyada elektromobillərin doldurma stansiyalarına nisbətinə görə ilk yeri Cənubi Koreya tutur. Bu ölkədə hər min elektromobilə 315 doldurma stansiyası düşür.
Növbəti yerdə qərar tutan Niderlandda isə hər min elektromobilə 202 stansiya düşür. 

Üçüncü yerdə qərar tutan Çində isə göstərici 120-dir. Nəzərə alaq ki, dünyada istismar olunan hər 5 elektromobildən biri Çin istehsalıdır.

Növbəti yerlərdə 71 məntəqə ilə Fransa, 42 məntəqə ilə Almaniya, 38 məntəqə ilə ABŞ, 32 məntəqə ilə Britaniya və 29 məntəqə ilə Norveç gəlir.

Vüqar Yaşaroğlu