Fransızları narahat edən Çin təyyarəsi

Çin son illərdə təkcə avtomobil deyil, təyyarə hazırlamaqda da ciddi irəliləyiş əldə edib. Bu amil bəzi ölkələri narahat edir.

Avtosfer.az xəbər verir ki, Fransanın Airbus korporasiyasını narahat edən məqam Çinin Comac C919 orta mənzilli laynerinin üzərində işi başa çatdırmasıdır. Çinli mühəndislər təyyarənin Avropada sertifikasiya keçməsi üçün çalışırlar. Bu baş verəcəyi təqdirdə köhnə qitədə çox sayda müştəri formalaşacaq. 

Hələlik Çində 4 istiqamətdə daxili uçuşlar keçirən təyyarələr 1 ildə 300 mindən çox sərnişin daşıyıb. Təkcə Çin şirkətlərinin sifariş sayı 300-ü keçib. Avropalı mütəxəssislər təyyarəyə yerində baxış keçirməli və istehsal vəziyyətini yoxlamalıdırlar. Avropa sertifikatı həm təyyarənin Avropa İttifaqında istismarına yaşıl işıq yandıracaq, həm də nüfuzunu artıracaq.

Vüqar