“Google”un gizli rejimindəki məlumatlarımızın məxfiliyi həqiqətən qorunur? – MÜTƏXƏSSİSDƏN ƏHALİYƏ XƏBƏRDARLIQ

Kompüterdən istifadə edərkən “Google”nin daha çox gizli rejim (inkoqnito) funksiyasından istifadə edirik və onu təhlükəsiz hesab edirik. Bəs gizli rejimdə axtardığımız, həyata keçirdiyimiz bütün əməliyyatlarla bağlı məlumatlar həqiqətən məxfi qalırmı?

Mövzu ilə bağlı Azərbaycan İnformasiya və Kommunikasiya Texnologiyaları Sənayesi Assosiasiyası (AİKTSA) İctimai Birliyinin İdarə Heyətinin sədri və İKT üzrə ekspert Elvin Abbasov Avtosfer.az-a açıqlamasında bildirib ki, istənilən brauzerda hərəkət edərkən bizim rəqəmsal izlərimiz, yəni “cook”larımız qalmaqdadır:

“Amma gizli rejimə, inkoqnito bölümünə keçid edəndə hər hansı bir əməliyyatlar yerinə yetiririksə, brauzerlər məxfilik siyasətini qorumalıdır və burada bizim “cook”larımızı saxlamamalıdırlar, yəni rəqəmsal izlərimizi silməlidirlər. Bəzi hallarda olur ki, internet blogerləri və internet xəbərlərini yayan bəzi məhşur jurnallarda bu tip xəbərlər görürük ki, bəzi brauzerlər gizli rejimdə məlumatları saxlayırlar. Amma ki, 90% ehtimal olunur ki, gizli rejimdə bizim rəqəmsal izlərimiz brauzerlər vasitəsi ilə saxlanılmır”.

Ekspert əlavə olaraq vurğulayıb ki, gəzdiyimiz mənbələrin izləri internetdə və ya kompüterlərdə qalır:

“Amma gizli rejimdə axtarış edərkən, artıq girdiyimiz saytlar kompüterin yaddaşında qalmır”.

Eltac Zülfüqaroğlu