Hamının "qayda pozuntusu" bildiyi bu hərəkətin CƏRİMƏSİ YOXDUR - VİDEO

Sürücülər kəsişmə yerlərində və yolayrıclarında üstünlüyə malik olan nəqliyyat vasitələrinə necə yol verməli olduqlarını bəzən bilmirlər. Qanunvericiliyə görə, "yol vermək" o deməkdir ki, üstünlüyə malik olan nəqliyyat vasitəsinin hərəkət sürətini və ya hərəkət istiqamətini dəyişməyə məcbur etməyəsən.

İkinci dərəcəli yolla hərəkət edən və ya yolayrıcında sola dönən zaman qarşıdan gələn avtomobillərə yol verən sürücülər bəzi hallarda lüzumsuz olaraq dayanıb gözləyirlər. Təqdim etdiyimiz videoda da göründüyü kimi, sürücü sola dönən zaman dayanmadan hərəkətinə davam edir.

Lakin bu manevri edən zaman qarşıdan gəlib sağa dönən avtomobillərin hərəkət sürətinə və hərəkət istiqamətinin dəyişməsinə mane olmayıb. Belə halda sürücü qayda pozmamış hesab edilir. Üstünlüyə malik olan avtomobilə maneə yaradılacaqsa o halda dayanmaq məcburi hesab edilir.

Fərid