Kondisionerin düzgün işlədiyini necə bilmək olar?

Yay mövsümü gəldiyi üçün artıq kondisionerdən istifadə edən sürücülərin də sayı artır. Bəs hər maşında kondisioner düz işləyirmi?

Avtosfer.az xəbər verir ki, bunu yoxlamaq asandır. İsti havada termometrlə bayırdakı və salondakı temperaturu ölçmək ən sınanmış metoddur. Əgər  kondisioner işə salındıqdan 10 dəqiqə sonra avtomobil salonundakı temperatur çöldəkindən 10 dərəcə Selsi aşağı düşübsə, deməli hər şey normaldır, ustaya getməyə ehtiyac yoxdur. 
Əgər kondisioner işləyir, lakin deflektordan gələn hava çox da sərin deyilsə, deməli sistemdə freon azdır. Bəzən freon normal olsa da, kondensatorun çirklənməsi kondisionerin isti hava vurmasına səbəb olur.
Həzərə alaq ki, soyuducu agentin – freonun sızması normaldır. Təzə maşında ildə 10%-dək sızma ola bilər. Köhnə maşında sızma artır. Bunun üçün təzə maşında 2 ildən bir dəfə, yaşı altını ötən maşında isə hər il kondisioner sistemi yoxlanıb qulluq edilməli, qaz vurulmalıdır.

Vüqar