Maşının rəngi yol-nəqliyyat hadisələrinə təsir edirmi? - Ekspertdən AÇIQLAMA

Yol qəzalarının əksəriyyəti qaydalara riayət olunmaması ilə bağlıdır. Lakin mütəxəssislər qeyd edir ki, maşının rəngi də yol-nəqliyyat hadisələrində mühüm rol oynayır.

Mövzu ilə əlaqədar nəqliyyat eksperti Fərhad Eyyubov Avtosfer.az-a deyib ki, avtomobillərin rəngi yol-nəqliyyat hadisələrinə müəyyən təsir göstərir:

“Günün qaranlıq saatlarında avtomobillərin sürəti dəyişir. Tünd və qara rəng olan avtomobillərin sürətini bu vaxtlarda müəyyən etmək çətin olur. Amma açıq rəngli maşınlar sürəti müəyyən etməkdə sürücüyə köməklik göstərir”.

Eskpert onu da qeyd edib ki, bu baxımdan, taksi xidməti göstərən avtomobillərdə açıq rənglərə üstünlük verilir: “Diqqət etsək, avtomobillərin üzəri parlaq rəngdə olur. Bundan o nəticəyə gəlmək olar ki, rənglərin də müəyyən bir formada qəzaların baş verməsində rolu var”.

Dünya səviyyəsində aparılan təhlillərə görə, sutkanın qaranlıq vaxtlarında qeydə alınan qəzalarda iştirak edən avtonəqliyyat vasitələrinin 70 faizdən çoxu tünd rəngdə olur.

Eltac Zülfüqaroğlu