“Niva”ya hava yastığı quraşdırılacaq – 1 ƏDƏD 

Bir neçə gün əvvəl “Avtovaz” şirkəti “Niva Travel” (köhnə “Chevrolet Niva”) modelinin 2 hava yastığı (sürücü və qabaq oturacaqdakı sərnişin) olan 5 ədəd sınaq versiyasını  hazırladığı barədə məlumat yaymışdı. 

Avtosfer.az xəbər verir ki, şirkət indi də sovet modeli “Niva”ya (Niva Legend) hava yastığı quraşdırılacağı barədə məlumat yayıb. Traveldən fərqli olaraq sovet “Niva”sında yalnız sürücünün hava yastığı olacaq.
Hər 2 modelin hava yastıqlı versiyası cari ilin son aylarında hazır olacaq. Lakin indidən şərhlər sosial şəbəkəni doldurub. Bir çox istifadəçi hesab edir ki, 70-ci illərdə layihələndirilmiş avtomobili ikinci hava yastığı quraşdırmaqla təhlükəsiz vəziyyətə gətirmək mümkün olmayacaq. Konsepsiya əsaslı şəkildə dəyişməlidir.

Vüqar