Qarabağa bilet alıb gedə bilməyənlər onu necə qaytara bilər? - VİDEOTƏLİMAT

30 ilə yaxın həsrətdən sonra vətəndaşların Qarabağa getməsi, doğma torpaqlara səfər etməsi, vətənin səfalı yerləriylə tanış olması istiqamətində ciddi addımlar atılıb.  Onların Qarabağa müntəzəm marşrut avtobusları ilə səyahət etmələri üçün "Yolumuzqarabaga.az" portalı istifadəyə verilib. Belə ki, vətəndaşlar bu portaldan qeydiyyat keçərək online şəkildə bilet ala bilirlər. Lakin bəzən səfər etmək istəyən şəxs müəyyən səbəblərdən səyahətini təxirə salmaq məcburiyyətində qalır. Bəs “Yolumuz Qarabağa” layihəsi üzrə alınan biletləri necə qaytara bilərik?

Əvvəlcə Avtovağzal.az saytına daxil olaraq dəstək bölməsini seçirik. Açılan pəncərədə yeni sorğu yarat bölməsinə daxil oluruq. Müvafiq olaraq bölmədə yer alan xanaları doldururuq. Xanalar doldurulduqdan sonra vəsaitiniz 15 iş günü ərazində sizə geri ödənilir.

“Yolumuzqarabaga.az” layihəsi üzrə alınmış biletlərin qaytarılması üçün video təlimatı təqdim edirik:

Nərmin