Təkər boltlarını necə sıxaq? – SXEM - FOTO

İndi Azərbaycan şəhərlərinin demək olar hər küçəsində təkər təmiri sexi mövcuddur. Lakin bəzən yolda təkər sıradan çıxdıqda onu yeniləmək lazım gəlir. Təkər dəyişmək hər bir sürücünün bacarmalı olduğu, servis çağırılmadan həyata keçirilməli prosedurdur. Lakin bunun da qaydası var.

Avtomobil sənayesi ortaya çıxdıqdan bəri belə bir dəyişməz qayda var: təkər boltları çarpaz şəkildə sıxılmalıdır. Əgər təkər 4 boltla bərkidilirsə, o zaman yanaşı deyil, qarşı-qarşıya olan boltlar sıxılmalıdır. 5 boltla bərkidilmə zamanı isə ulduz forması (sxemdəki kimi) tətbiq edilir. 

Daha bir vacib məqam: son illərdə təmir sexlərində təkər boltlarının xüsusi alətlə açılıb-bağlanması adiləşib. Bu texnika işi asanlaşdırsa da, bir məqama diqqət yetirilməlidir. Belə ki, xarici ekspertlər minik avtomobillərinin boltlarının yalnız əllə sıxılmasını tövsiyə edirlər. Bu yolla dəfələrlə açılıb bağlanma zamanı zərbənin təsirindən boltların oturduğu yuvalar sıradan çıxır. 

Başqa bir əsas məqam: yivlər sıradan çıxmasın deyə, boltları bir qədər yağlamaq lazımdır. Bu həm də paslanmanın qarşısını alır. Yağlanan boltların hərəkət zamanı açılacağını iddia edən ustalar isə başqa işlə məşğul olsa lar daha yaxşı olar. Axı mühərrikdə böyük təzyiqlə yağlanan, tonlarla ölçüləcək zərbəyə məruz qalan sürgü qolunu cəmi 2 bolt saxlayır və bu detal nadir hallarda öz-öünə açılır.

Vüqar