Tormoz qəlibləri: Necə və nə vaxt dəyişək? - FOTO

Tormoz qəlibləri avtomobilin vaxtında dayanmasını təmin edən detallardandır. Onların saz olması təhlükəsizlik üçün çox vacibdir.  Bəs qəlibləri necə və nə vaxt dətişək?

Avtosfer.az xəbər verir ki, müasir avtomobillərdə qəliblərin yeyilməsini göstərən indikatorlar mövcuddur. Qəliblər yeyildikdə qırmızı işıq yanır: deməli uzağı min kilometr getmək olar. 
İndikatorlun olub-olmadığından asılı olmadan vizual şəkildə qəliblərin vəziyyətini vaxtaşırı yoxlamaq lazımdır. Qəlibin ifrat yeyilməsinə yol vermək olmaz. Çünki bu zaman qəlibin metal hissəsi barabana sürtülərək zərər verəcək. Bəzi hallarda isə supportlar kilidlənə və tormoz tutmaya bilər. Nəticəni proqnoizlaşçdırmaq çətin deyil. 
Qəlibləri dəyişərkərn, ümumi sistem və xüsusən də tormoz borularının vəziyyəti yoxlanılmalıdır. Diskin təkarlarındakı metal yonqarı metal fırça ilə kənarlaşdırılmalı, qəliblər dəyişdikdən sonra diskin üzərindəki yağ izləri təmizlənməlidir. 
Qəliblər dəyişdikdən sonra onların tormoz diskinə uyğunlaşması müəyyən zaman tələb edir. Bunun üçün də ilk 500 kilometrdə kəskin tormozlamadan qaçmaq lazımdır.
Qəlibləri dəyişərkən keyfiyyətli detal seçimi də şərtdir. Əgər qəlibləri yerinə oturtmaq üçün kənarlarını yonmaq lazım gəlirsə, ya da quraşdırılandan sonra səs edirsə, deməli keyfiyyətsiz detal almısınız.

Vüqar