Toyotanın yeni “hər şey yeyən mühərriki” - FOTO

Toyota şirkətinin mühəndisləri yeni layihələndirdikləri mühərriklə bağlı bəzi detalları açıqlayıblar. 

Avtosfer.az xəbər verir ki, 1,5 və 2,0 litrlik mühərriklər 2027-ci ildən etibarən avtomobillərə quraşdırılacaq. Bu texnika Toyotanın indiyədək istehsal etdiyi mühərriklərdən fərqlənəcək.
Yeni mühərrikdə porşenlərin gediş məsafəsi çox qısa olacaq. Başqa sözlə, sürgü qolları gödək olacaq. Bu da mühərrikin kompakt olmasına imkan verəcək. Lakin gödək sürgü qollarının yaratdığı aşağı fırlanma anını elektrik mühərriki kompensasiya edəcək. Bir sözlə, mühərrik hibrid modellər üçün nəzərdə tutulub.
Yeni mühərriklər benzin, dizel, qaz, hidrogen, bioloji və sintetik yanacaqla işləyə biləcək. Başqa sözlə, avtomobil konstruktorlarının 100 ildir arzuladıqları “hər şey yeyən mühərrik” reallaşmaq üzrədir.

Vüqar