Tunellərin giriş-çıxışında bunları etməyin - Qəzaya düşə bilərsiniz - VİDEO

Sürücülərin qaydalara əməl etmədiyi yol sahələrindən biri də tunellərdir.

Avtosfer.az xəbər verir ki, qanunvericilikdə tunellərdə hərəkətlə bağlı qaydalar müəyyən edilsə də, çox təəssüf ki, əksər sürücülər buna əməl etmirlər.

Belə sürücülərdən birinin hərəkətləri kameraya düşüb. Videodan göründüyü kimi sürücü tunelin çıxışında sərt şəkildə ötmə edərək həm öz həyatını, həm də digər sürücülərin həyatını təhlükə altında qoyub.

Qanunvericiliyə görə, tunellərdə ötmə əməliyyatı birmənalı şəkildə qadağandır. Lakin bununla yanaşı sürücülərin diqqət edəcəyi başqa məqamlar da var. Belə ki, tunellərin giriş-çıxışlarında işıq effekti dəyişdiyi üçün sürücülər bu yol sahəsində daha diqqətli olmalı, əlavə manevrlər etməməli, o cümlədən sürət həddini aşmamalıdırlar.

Xüsusən yay aylarında gün işığı çox olduğundan işıqlı yol sahəsindən qaranlığa, o cümlədən də qaranlıq yol sahəsindən işıqlı yola çıxan zaman çox diqqətli olmalıdırlar. Əks halda etdiyiniz əlavə hərəkətlər sizi qəzaya sala bilər.

Fərid