Turbokompressoru qorumağın ən ucuz yolu - FOTO

Öyrənək 20 İyun 2024 16:05 Oxunub 256
Turbokompressoru qorumağın ən ucuz yolu - FOTO
WhatsApp kanalımıza abunə ola bilərsiniz

Azərbaycanlı sürücülər çox vaxt turbo mühərriklərdən uzaq durmağa çalışırlar. Lakin dövr dəyişir, əksər maşınlar turbo sistemə keçir. Dizel mühərriklərinin isə turbosuz modelini tapmaq demək olar mümkün deyil. 80-90-cı illərin maşınlarından fərqli olaraq indi turbonu sökmək olmur.

Avtosfer.az xəbər verir ki, turbokompressor mühərrikin bahalı və incə detallarından biridir. Ehtiyatlı idarəetmə zamanı bu element uzun müddət problemsiz işləyir. Sıradan çıxdıqda isə çox bahalı təmir tələb edir. Onu qorumağın asan və ciddi xərc tələb etməyən yolları var.

Turbokompressoru qorumağın ən birinci şərti keyfiyyətli yağ istifadə etmək və yağdəyişmə intervalını tezləşdirməkdir – maksimum 7 000 km.
Digər vacib məqam hava filtrini tez-tez dəyişməkdir. Nəzərə alaq ki, Bakı şəhəri çox tozlu zonada yerləşir, küçələrdə isə his çoxdur.
Üçüncü üsul radiatorun, interkulerin təmiz saxlanması və mühərrikin normadan artıq qızmasına yol verməməkdir. 

Nəhayət, heç bir xərc tələb etməyən üsul budur: mühərriki qıza müddətə qızdırdıqdan sonra hərəkətə başlamaq, temperatur 80 dərəcə Selsiyə çatanadək nisbətən aşağı sürətlə hərəkət etmək, kəskin qaz verməmək. Nəzərə alaq ki, turbokompressor yuxarıda yerləşdiyi üçün yağın qatılığı az olduqda daha rahat yağlanır.
Nəhayət, sonuncu məqam. Uzun müddət intensiv hərəkətdən sonra mühərriki 2-3 dəqiqə aşağı dövrdə işlətmək. Bu zaman kompressor yaxşı yağlanaraq soyuya biləcək. Mühərrik söndürüldükdə turbokompressor bir müddət işləməyə davam edir. Bu zaman yağlama getmədiyi üçün həm sürtünmə artır, həm də əlavə istilik yükü yaranır. Mühərrik uzun müddət yerində işlədikdə də yağlanma pis getdiyi üçün turbokompressor zərər görür.

Vüqar

FOTO QALEREYA
ŞƏRH YAZ
Ad

E-mail

Şərh