Yolda belə hal baş verən kimi mütləq dayanın: Cəriməsi 3 bal 100 manat oldu - VİDEO

Yolayırıcının keçilməsi ilə bağlı qaydalara əksər sürücülər təəssüf ki, hələ də əməl etmirlər. Bəzi sürücülər isə bu qaydalardan xəbərsizdirlər.

"Yol hərəkəti haqqında" qanunda qeyd olunub ki, əgər yolayrıcında və ya hərəkət hissələrinin kəsişməsində tıxac yaranıbsa və bu sürücünü dayanmağa məcbur edərək digər nəqliyyat vasitələrinin hərəkəti üçün maneə yaradacaqsa, sürücünün belə yolayrıcına və ya kəsişmə yerlərinə girməsi qadağandır.

Təqdim etdiyimiz videogörüntünü qeydə alan sürücü yolayrıcından o tayda tıxac olduğunu görərək dayanır və qarşıdan sola dönən sürücülərə yol verir. Bunu etməklə yolda yarana biləcək tıxacın qarşısını almış oldu. Lakin o, yolayrına daxil olsaydı həm özü orada qalacaqdı, həm də qarşı tərəfin yolunu kəsmiş olacaqdı.

Qanunvericilikdə bu hərəkətin törədilməsinə görə cərimə də nəzərdə tutulub. Belə ki, əvvəllər 3 bal 80 manat olan cərimə məbləği, edilmiş son dəyişiklikdən sonra 3 bal 100 manat məbləğində müəyyən edilib.

Könül Rauf