Yollardakı kameralar sərxoş sürücüləri də aşkar edəcək

Cəzalar nə qədər sərt olsa da, istənilən ölkədə polis hər gün onlarla sərxoş sürücü aşkar edir. Fiziki olaraq bütün sürücüləri saxlayıb yoxlamaq mümkün deyil. Buna görə də, qanun keşikçilərini hər zaman bir məsələ düşündürüb: sərxoş sürücüləri polisin iştirakı olmadan necə aşkar edək?

Avtosfer.az xəbər verir ki, avstraliyalı elm adamları bu məsələdə irəliyə doğru ciddi addım atıblar. Onlar sərxoş sürücüləri aşkar etmək üçün yüksək ayrıdetməli videokamera (HD) və süni intellektdən istifadə ediblər.  Proqram sürücünün hərəkətləri və mimikasına görə sərxoşluğu müəyyən edə bilib. 3 qrupa ayrılan könüllülər üzərində yoxlama zamanı dəqiqlik 75% olub. 
İndi alimləri bir məsələ maraqlandırır: Proqram təminatı aşağı dəqiqlikli təsvirlərlə işləyə bilərsə, o zaman yollarda quraşdırılmış kameralarla sərxoş sürücüləri asanlıqla aşkar etmək mümkün olacaq.

Vüqar